"Also here-wiþal into þe open si[gh]t of ymagis in open chirchis, alle peple, men & wommen & children mowe come whanne euere þei wolen in ech tyme of þe day, but so mowe þei not come in-to þe vce of bokis to be delyuered to hem neiþer to be red bifore hem; & þerfore, as for to soone & ofte come into remembraunce of a long mater bi ech oon persoon, and also as forto make þat þe mo persoones come into remembraunce of a mater, ymagis & picturis serven in a specialer maner þan bokis doon, þou[gh] in an oþer maner ful substanciali bokis seruen better into remembrauncing of þo same materis þan ymagis & picturis doon; & þerfore, þou[gh] writing is seruen weel into remembrauncing upon þe bifore seid þingis, [gh]it not at þe ful: Forwhi þe bokis han not þe avail of remembrauncing now seid whiche ymagis han."[24] Entry: 1140